【牧童笛少女罪名成立】請轉發
各位還記得她嗎？
她是一位曾經經常以牧童笛在街頭吹奏願榮光歸香港的絲打。
2020年10月19日的今天，牧童笛絲打被控非法集結及藏有攻擊性武器罪名成立。需要即時監禁四個月，現時正在上訴並獲准以港幣五萬元保釋。
以下是她本人與本台記者姜牧師的自白，正處於低谷的她，仍然希望自己能夠支持與她同樣處境的人。
—————————————————————
「罪人」的剖白：
今日對我以及其餘8位被告來講，係一個充滿黑暗嘅日子。
我哋被宣佈罪名成立，要即時還押。
8位當中，有5個人需要即時還押，等候報告。
其餘4個則被判監4個月。
然而，我哋都選擇上訴。
今日我有幸可以保釋行翻出來，仲可以呼吸到牆外嘅空氣。但係果5位手足已經要踏上還押嘅之路。
對佢哋來講，前路已經變得非常渺茫。鎖在高牆之下，失去了寶貴嘅自由。感覺事情就好似一啲大人口中所講嘅雞蛋與高牆。要麼是死，要麼就是失去一切…
今日我並非主角，主角可能係係泰國，又有可能係係白羅斯，但我仍然好希望香港人可以關注我哋呢一班有機會又或者已經困係牆後嘅眾多位手足。
我有幸可以保釋出嚟，但係後面仲有一眾手足係高牆之內，與自由的世界斷絕聯絡。
而家，我以牧童笛少女呢個身份，懇請各位仍然有幸享受自由空氣嘅香港人，不要忘記現在仍然被鎖在高牆後的手足。懇請你哋，都可以多多關注佢哋。唔好再令佢哋覺得佢哋係condom，起碼，寫封信，畫個畫，寄返入去，令佢哋知道，佢哋唔係自己一個，而係我哋眾多香港人依然陪住佢哋行落去。
好嗎…好嗎？
圖片來源：香港01
記者：姜牧師
Search